Malariya (Malaria)

IBISOBANURO BY’ISOMO

Intego z’Isomo

Iri somo rizatuma wumva neza:

• Icyo malariya ari cyo, uko ikwirakwira n’uko yandura.
• Udukoko dutera malariya, ubwoko bwatwo n’ibimenyetso biyiranga.
• Uko malariya ipimwa, ivurwa n’uburyo butandukanye bwo kuyirinda no kuyivuza neza.
• Ingaruka malariya igira ku buzima, ku muryango no ku bukungu bw’igihugu.
• Uruhare rw’umuntu ku giti cye, urw’umuryango n’urw’inzego zitandukanye mu kurwanya malariya.

“Ibi byose bizadufasha kwirinda no kurinda abandi.”

• Impamvu Isomo ku Malariya Ari Ingenzi

Malariya ni imwe mu ndwara zibasira abantu benshi cyane, cyane cyane mu bihugu biri mu karere k’imiyaga ishyushye. Ubumenyi kuri iyi ndwara bufasha abantu kuyirinda, kuyisuzumisha kare, no kuyivuza neza

Buri muntu agomba kumva ko kurwanya malariya atari inshingano y’abaganga gusa cyangwa za leta, ahubwo ari uruhare rwa buri wese: mu rugo, mu muryango, mu mudugudu, mu kigo cy’ishuri cyangwa aho akorera.

Dufashe iyi ndwara nk’ikibazo rusange, tukayirwanya dufatanyije n’imbaraga zacu zose, tuzashobora kugera ku ntego yo kugira isi itarimo malariya. Twumve ko buri ntambwe duteye (nko kuryama mu nzitiramubu, gukora isuku aho dutuye, kwihutira kwivuza igihe cyose twagaragaje ibimenyetso …) ari intambwe igana ku kurinda ubuzima bwacu n’ubw’abandi.

Ubutumwa Nyamukuru:
“Kurwanya malariya ni ugutabara ubuzima – ni inshingano ya buri wese.”